Published: 25-11-2022
گجرات(نمائندہ ڈاک) وزیر اعلیٰ پنجاب چوہدری پرویز الٰہی کے مشیر امجد ولایت بٹ کو منگووال میں مبارکباد دینے کے لئے ممتاز بزنس مین حاجی الیاس ڈار، حاجی اعجاز ڈارفیصل فین، چیئرمین پیفما رمیز ڈار،نعمان جاوید غوثیہ فین، حمزہ ڈار، علی حسن ڈار سمیت بڑے وفد نے ڈیرہ ولایت بٹ پر جا کر مبارکبادد ی، پھولوں کے ہار پہنائے اور حاجی الیاس ڈار، رمیز ڈار نے امجد ولایت بٹ کو روایتی کلہ بھی پہنایا اور فرداً فرداً وفد نے انہیں مبارکباد دی۔ ممتاز بزنس مین جب ان کے ڈیرہ ولایت بٹ پر پہنچے تو ڈھول کی تھاپ پر امجد بٹ کو ہار پہنائے گئے، گل پاشی کی گئی۔ ناصر بٹ، علی شہزاد بٹ، انصر بٹ، قاسم امجد بٹ، ندیم بٹ، اظہر بٹ، فیصل ڈارو دیگر موجود تھے۔ اس موقع پر امجد ولایت بٹ نے محمد رزاق ڈار، الیاس ڈار، اعجاز ڈار، رمیز ڈار، نعمان جاوید اور دیگر ساتھیوں کا شکریہ ادا کیا۔ انہوں نے کہا کہ میں وزیراعلیٰ پنجاب چوہدری پرویز الٰہی اور ایم این اے چوہدری مونس الٰہی کا مشکور ہوں جنہوں نے مجھے عزت بخشی اور مجھے مشیر بنایا۔ انہوں نے کہا کہ چوہدری پرویز الٰہی او ر چوہدری مونس الٰہی نے میرا اور میرے علاقہ کے لوگوں کے دل میں اور زیادہ رتبہ بڑھا لیا ہے۔ ہم ان کے مشکور ہیں۔ انشاء اللہ تعالیٰ ہم عوامی مسائل کے حل کے لئے اپنا کردار ادا کریں گے۔ امجد ولایت بٹ نے کہا کہ ہم چوہدری برادران کی توقعات کے مطابق عوام کی خدمت کریں گے اور عوام آئندہ انتخابات میں انہیں بھاری اکثریت سے کامیاب کرائیں گے۔ انہوں نے مبارکباد دینے کے لئے منگووال ولایت بٹ کے ڈیرہ پر آنے والی تمام ممتاز شخصیات کا فرداً فرداً شکریہ ادا کیا۔انہوں نے محمد رزاق ڈار فیصل فین کا بھی شکریہ ادا کیا۔
