Published: 26-11-2022
گجرات (آصف علی بھٹی سے) ایم این اے چوہدری حسین الٰہی کے اعزاز میں ٹانڈہ ریحانیہ پیلس پر شاندار تقریب کا اہتمام، مسلم لیگی راہنما چوہدری شہباز ریحانیہ نے چوہدری حسین الٰہی کا تقریب آمد پر شاندار استقبال کیا گیا ،آتش بازی، منوں پھولوں کی پتیاں اور کرنسی نوٹ نچھاور کئے گئے، چوہدری شہباز ریحانیہ،چوہدری مقصود گجر، چوہدری منیر احمد بانیاں،چوہدری شہباز جٹ نے مہمانوں کا استقبال کیا، چوہدری شہباز رشید ریحانیہ کی طرف سے ریحانیہ پیلس پر گرینڈ ظہرانے کا اہتمام بھی کیا گیا جس میں سینکڑوں عمائدین شریک تھے، چوہدری شہباز ریحانیہ نے مہمانوں کا شکریہ ادا کرتے ہوئے کہا کہ چوہدری حسین الٰہی نوجوان لیڈر ہیں ہم انکی خدمات کو دیکھ کر ساتھ قافلہ میں شامل ہوئے تھے الحمدللہ فیصلے پر فخر ہے ٹانڈہ میں چوہدری حسین الٰہی کے کروڑوں روپے فنڈز انکی خدمات کا ثبوت ہیں انشاء اللہ تن من دھن کیساتھ انکے شانہ بشانہ کھڑے ہیں ٹانڈہ میں مسلم لیگی میرے بھائی اور دوست ہیں انکی مشاورت پر ہی تمام فیصلے کئے جائیں گے ایم این اے چوہدری حسین الٰہی نے چوہدری شہباز ریحانیہ کا شکریہ ادا کیا اور اپنی طرف سے بھرپور تعاون کا یقین دلایا۔
