Published: 27-11-2022
گجرات(مدثراقبال سے)گزشتہ روز جامعہ جلالیہ حضرت میراں صاحب محلہ نور پور پڈھے گجرات میں سالانہ عظیم الشان جلسہ دستارفضیلت منعقد ہوئی جس کی صدارت ممتازمذہبی وروحانی شخصیت سجادہ نشین حضورغوث یگانہ چھالے شریف پیرسید انتصارالحسن شاہ نے کی قبل ازیں محفل پاک آمد پر پیرسید انتصارالحسن شاہ کا مہتمم جامعہ ہذا علامہ محمدارشد نقشبندی نے ساتھیوں کے ہمراہ والہانہ اورپرتپاک استقبال کیا منوں پھولوں کی پتیاں نچھاورکیں اورطلائی ہارپہنائے، محفل پاک میں ممتازمذہبی سکالرمفتی پیرمحمد عثمان افضل قادری مراڑیاں شریف، پیرسید زاہد حسین شاہ ترمذی ودیگرعلمائے کرام نے شرکت کی اس موقع پرعمائدین علاقہ کی کثیرتعداد موجود تھے، پیرسید انتصارالحسن شاہ سے پیرعثمان افضل قادری ودیگرعلمائے کرام نے ملاقاتیں بھی کیں۔
